Ua faailoa e le faauluuluga o le matagaluega o leoleo, falepuipui ma le ola toe fuataina, le faatupulaia pea o mataupu tau pule i le ola ma o se popolega lea i le tulai mai pea o ia mataupu, ma logoina ai le auaunaga a Malu o le Malo.
O le tausaga na tea nei e 37 tagata na fano soifua i le pule i le ola, ae 14 mataupu i nisi sa taumafai e faatino lea tulaga. O le tausaga nei ua toe lua masina mae’a le 2022, ae ua faamauina ua 29 ola ua fano ai, ma le fitu o mataupu i nisi sa fuafua e faatino le pule i le soifua.
O le masina na tea nei na amata ai se polokalame a le matagaluega o leoleo, o le faatalanoa o ni auala e fesoasoani atu ai i tagata e fofo ai lea tulaga.
