O le a faatupe e le soifua maloloina le faaauau pea ona tatala o le falemai peitai e mo na o sina taimi.
O le Riccarton Clinic i Kalaiesetete o lea na mafaufau i le faaiuga o le tausaga talu ai o le a tapunia ana auaunaga o loo vaaia ai ma’i i tua atu o itula faigaluega ona ua leai se tupe toe utiuti le aufaigaluega.
O se auaunaga e tatala fitu aso o le vaiaso e le gata i afiafi, ae faapea le ao mo gasegase e le lesitala ma e faapea e i le va o le 75 i le tasi selau gasegase e faaaogaina lea auaunaga i totonu o le aso e tasi.
Afai ae tapunia o se avega o le a faaopoopo i luga o Emergency Department, ma a o sau ai la tala o le faatupe e le soifua maloloina o le faaauau ona tatala, e lei faamautinoa mai e le Te Whatu Ora poo le ā le umi.
O Setema lea e ta’ua e le Stuff e gata ai le fesoasoani a le soifua maloloina ma a uma lea ona toe faailoga fesili foi lea o le Riccarton Clinic.
