O se auaunaga fou mo i latou e laveaiina mai i ni sauaga i Niu Sila mai nofoaga na tausia ai, ua silasila nei ia motusia faiga faaleaganuu o le faamāina e ala i le saunia o se isi auala e faasoa ai a latou faamatalaga i mea na tutupu.
O le auaunaga fou ua faaigoa Survivors Experiences Services ua faatuina i le mae’a ai o se suesuega tele sa faia e faatatau i suesuega i ni uiga saua e faatino i totonu o nofoaga a le setete ma nisi o faatuatuaga o loo tausia ai tagata.
O le suesuega sa faia e le Komisi suesue i se taimi ua tuanai ma lipotia atu foi i talavou le Abuse in care Royal Commission of Inquiry, sa faaleo ai e nisi o i latou ua laveaiina mai i nei sauaga, le manaomia o le iai o se auaunaga e faasoa ai mea na tutupu ia i latou, o le toatele o i latou ia o tagata Pasefika, Maoli ma i latou e iai aafiaga tumau.
O le auaunaga fou la o loo taitaia e se fono faatonu tutoatasi ma o loo aofia ai ma nisi na aafia i nei ituaiga sauaga eseese.
Mo i latou e lagona o loo aafia i tulaga faapea o loo iai numera ma faalapotopotoga e mafai ona faafesootai mo se fesoasoani e pei o le auaunaga a le Safe to Talk i le 0800 044 334.
