Ua tatau I le pule sili o le uafu a Aukilani ona alu ese
O le feau tuusao lea mai a Tau Henare o le vaega tutoatasi ua taua Independent Maori Statutory Board o loo fautuaina le Auckland Council I mataupu e aafia ai tagata Maori I Aukilani
O lea ua faailoa mai e le pulenuu o Aukilani Phil Goff ripoti mai suesuega na faia faasaga I le uafu I Aukilani lea ua maua ai le faamuamua o tupe ae faatuatuanai le saogalemu o le aufaigaluega, natia le ripotia o faalavelave faafuasei e tutupu I le uafu atoa ma le matatau o le au faigaluega e faaleo mea e tutupu ina nei oo I nisi tulaga
Ao feau ai la e Tau le faamavae o le pule sili, Tony Gibson ua ia faatonuina ai foi ma le faatonusili e malolo, aua e le fetaui le totogi latalata ile tai $1 miliona I le tausaga ao lea e foliga mai e le I iai se suiga na faia I le maea ai ona maliliu o tagata faigaluega e toalua mai le toatolu I tausaga ua mavae
Ma ua fesili ai ma Tau pe faafia ona maumau soifua o tagata faatoa gaioi le pulega
E ui I faaiuga o nei suesuega ma tuuaiga faasaga I le pule sili o le uafu ma lana pulega, ae ua faailoa e Tony e le alu ese o le a nofo pea e faatonutonu suiga ua sau ma le ripoti
