Ua toe ave le faatuatuaga o le Malo e faaauau ai le tofiga Ofisa S ili o le pulega o le Matagaluega o Alamanuia Pisinisi ma Leipa, i le susuga Pulotu Lyndon Chu Ling, o se tamalii na uluai filifilia e avea ma faauluuluga o lea matagaluega a le malo i le tausaga e 2016 ae na toe filifilia i le tausaga e 2019.

O le fonotaga a le Kapeneta i le vaiaso nei e pei ona faailoa mai e le afioga i le Sui Palemia le Minisita o lea matagaluega le tofa Leatinuu Wayne Sooialo, na faamautu ma faamaonia ai le toe tofia o lea faauluuluga o se tasi o Matagaluega a le Malo. 

Ua 16 tausaga o tautua le susuga Pulotu Lyndon Chu Ling i lea auaunaga a le Malo talu mai le tausaga e 2006. A o lei filifilia e avea ma faaululuga o le matagaluega sa ia tauave le tofiga o le Ofisa Sili lagolago.

Sa aoaoina o ia i le Kolisi o Samoa ma o loo ia umia faailoga o le Bachelor of Arts i mataupu tau i le tamaoaiga ma pulega mai le Iunivesite a le Pasefika i Saute.

O loo ia umia foi le faailoga o le Masters in Development Studies mai le Iunivesite Aoao o Samoa.