O le vaiaso mulimuli lenei o tietiega ma faaluega a fanau i Samoa i le nofoaga o faafiafiaga ma evaga a Tupai Bruno ma le Magic Circus of Samoa i Tafaigata, e pei ona faaigoaina lea nofoaga o le Fiafia Park.

O le Aso Toonai nei le aso mulimuli ona tapunia ai lea o lea nofoaga o faafiafiaga o le a le toe faagaioia.

O nai masina e lei mamao atu na faasalalau ai e le alii pule e ana le Magic Circus a Samoa ia Tupai Bruno le faatau ese uma o ana meatotino sa faaaoga i le nofoaga, a o lumanai ai lenei masina ua faamae’a ai ona tapena vaega uma mo le tapunia o le nofoaga.

E pei ona silafia o se tasi lea o auaunaga tau i pisinisi o faafiafiaga sa maua ai galuega a nisi o alii ma tamaitai o le atunuu i le tele o tausaga o faagaioia, ma sa malaga taamilo i atunuu eseese ma avea o se faalauiloa tāua mo Samoa i le atiina a’e o tagata tafafao.

O le tausaga e 2018 na amata faaaoga ai le nofoaga i Tafaigata ddfle fiafia park.