O le aiga e onaina le motu mauga mu, lea e iloa o le Whakaari/White Island i Aukilani, sa matuā faatoese ia i latou uma na fano soifua ma faamanu’alia ina ua pa lea motu i le 2019.
Ae peitai ua latou faaalia, e leai se inisua e faatupe ai ia tupe totogi mo i latou sa aafia.
O Andrew, James ma Peter Buttle, e onaina le pulega o lea motu, e pei ona totogi iai tupe a tagata e faataga ai le oo atu i lea motu.
O lea kamupani e aofia ai i isi sa faasalaina i le vaiaso talu ai i le lē mafai ona tausisia faatinoga mo le saogalemu, ae lei tupu mai lea faalavelave matautia e pei ona fano ai soifua o tagata e toa 22, ma le isi toa 25 sa faamanu’alia, i le taimi sa pa ai lea motu, e pei ona lauiloa tele i tagata turisi.
O kamupani uma e lima sa faasalaina sa faatonuina e totogi le $10.21 miliona mo tagata sa aafia ma le $2 miliona o sala tupe.
Sa faaalia ai e le alii faamasino, Judge Evangelos Thomas, o tagata sa faamanu’alia ma aiga o i latou sa fano soifua e maua le tai $250,000.00 ae peitai, o lea fuainumera o le a toe fetuutuunai, mo se faataitaiga, i ni mataupu i tamaiti ua le o toe iai ni matua ae poo aiga e silia ma le taitoatasi tagata sa maliliu.
