Ua faatoese le paaga a le palemia I le sese o faamatalaga na ia faia faatatau I rapid antigen test
Ua tuuaia e le fale talavai Clarke Gayford I faamatalaga sese na ia faia ao taumafai ai se tasi o ana faauo e faia siaki nei ua taua o rapid antigen test lea e faia I le fale talavai
O tala ua toe faatoese ai Clarke e faapea, ua iai suiga o taiala mai le soifua maloloina e mafai ai e lana uo ona faia le rapid test na I lo le siaki masani ua taua o le PCR test
Peitai, o le mea sa’o e le I iai se suiga o loo tumau lava le tatau ona faia o le PCR test
Ona o le faauo a Clarke o le close contact o lona uiga e tatau pea ona faia le siaki masani o le PCR test na I lo le siaki o loo faia I fale talavai, ma o faatonuga foi nei o loo I luga o le upega tafailagi a le soifua mloloina
O le faatoesega a le paaga a Jacinda Ardern na tauala mai I lana pule, ma e leai se tali a le sooupu a le tamaitai palemia e tusa ma tala a le Herald
I le silasila a le sooupu a le National Chris Bishop e le talafeagai, ma e foliga mai o lea na taumafai Clarke e sui tulafono a le soifua maloloina mo lana faauo
