Mai Sini o le asō le taimi muamua ua toe oo ai le vevela o Sini i le 30 tikeri ma luga atu i le taimi o le tau mafanafana.
Ua toeititi 340 aso e lei toe oo lava se vevela o Sini i le tulaga lea ona o timuga i le tele o aso aemaise mai le tausaga talu ai.
O le asō la ua faamauina e silia ma le 30 tikeri le vevela ma o le a matele ina vevela atu faaitu i Sisifo o Sini e oo atu i le 37 tikeri i vaega e pei o Penrith ma faaitu lalata ane.
Ua vaaia ai foi i le asō le tumutumu o matafaga ma vaitaele ona o le tau vevela ae ua faailoa mai e le vaaitau o le a toe maua foi si mālū i le agai atu i le afiafi.
Ua maitauina e le toatele le suiga i le tau vevela i Niu Sa Uelese ma le manatu o nisi ua sili atu le tausaga na tea nei lea sa faailoa mai ai e le vaaitau le aafia o le setete i le La Nina, fai mai e sili atu le tetele o timuga ma le tau mālū i lo le vevela e pei ona masani ai ma mu ai togavao ma tele ai le aafiaga i soifua o tagata.
