O loo fuafua nei le amatalia ai o galuega faaopoopo i le malaevaalele i Faleolo auā ana auaunaga i taligamalo a le atunuu i le fonotaga a Malo o le Taupulega i le tausaga fou.
I se faatalanoaga a le nusipepa a le Malo ma le Ofisa Sili o le Pulega o Malaevaalele,
Silimanai Ueta Jr Solomona le faatinoina o le galuega.
“E 10 masina o loo fuafua e faamae’a ai ma e $6miliona tala le tau o le a faagaioi uma ai lenei foi galuega.”
E silia ma le 3,000 sui mai fafo o le a malaga mai i lenei fonotaga ma o le Tupu o Peretania, Salesa III o le a auai foi ma o se tala tusitusia lea i le talaaga o Samoa.
O loo faailoa mai o se tasi o vaega o lenei galuega e aofia ai le fale VIP e sui ai le fale tuai o loo iai le taimi nei lea sa fausia mai le 1984 ma toe faaleleia i le 2014.
O le fausiaina o lenei fale fou ua faamaonia e le Kapeneta ma o le a fesootai ma faigofie vaega o femalagaa’iga.
O le fonotaga lenei o le a auai ai Faauluuluga o Malo mai le 54 atunuu i le Pasefika ma isi vaega o le lalolagi.
