O le Aso Gafua 3 o Novema ua faamaonia mai le faatautaia ai o le faatasiga mulimuli o lenei tausaga mo tagata matutua e aunoa ma se totogi.
O le polokalame a le Faliu le La, e pei ona faafoeina e le faalapotopotoga o le Asa Foundation.
O lenei faatasiga e auai ai tua’ā matutua Samoa faapea foi le ‘au matutua mai le Pasefika, Papalagi, Maori ma Initia.
Faamauina o lenei polokalame, o se avanoa lelei e maua mo i latou e aga’i ese ai ma le fale, e feiloa’i, tafafao ma faamasani le tasi i le isi, o ē o loo alala ma pāpāaao i Manurewa, Papakura ma nai isi pitonuu.
E tusa ai ma tulaga o polokalame faasolo o lenei faatasiga, o le a auai sui o le pulega faaitumalo o loo lagolagoina le Faliu le La ma ana taumafaiga, e aofia ai sui filifilia mo le laulauafono a Aukilani le Auckland City Council ia Daniel Newman ma Matt Winiata (Manurewa & Papakura) faapea sui filifilia o le Fono Faavae a Manurewa (Manurewa Local Board) le tama’ita’i o Talia Tipelu-Marsters.
O le a maua foi le avanoa e feiloa’i atu ai i le susuga ia Brian Blake, o le ta’ita’ifono ma sui o le Komiti Faafoe a le Wiri Licensing Trust.
O loo tatala le avanoa mo soo se tua’ā e auai i lea faatasiga, ma o le a amata i le ‘afa o le sefulu i le taeao se’ia pā’ia le itula e 12 i le aoauli.
O le a faatautaia lea polokalame tāua i le Manurewa Sports Centre, Mountfort Park, 180 Weymouth Road, i Manurewa.
