Faatino galuega fesoasoani a le SMOGA

I le faamanatu ai o le 65 tausaga i le Kolisi o Sagata Maria i Vaimoso o se tasi o tepataulai a le Asosi o Teine Tuai e tuu atu le tauau fesoasoni i faalapotopotoga pe faatino galuega alofa i nofoaga o tagata matutua ma i latou o loo manaomia soo se fesoasoani.

O le faaiuga o le vaiaso na agai ai nisi o vaega mai vaega e 10 poo teams ua vaevaeina ai teine tuai uma o le Kolisi ma ua uma lava ona filifilia a latou faalapotopotoga e fesoasoani ai.

O nei faalapotopotoga poo nofoaga e aofia ai le Nofoaga o Tagata matutua i Mapuifagalele lea na fesoasoani ai le Team 7 poo le lanu enaena. E le gata na faamama le lotoā matutua ae na ofo atu foi meaalofa mo i latou i lea nofoaga. O le noafoaga o tamaitai monike i Vailima na faatino ai galuega fesoasoani a le Team 1 poo le lanu viòle e ala lea i le faamamāina o le lotoā a tamaitai Monike.

O le Team 3 poo le lanu moli (Orange) na asia le nofoaga o loo iai fanau na aafia i soo se sauaga poo le Toomaga mo e Puapuagatia ma faameaalofa i fanau laiti le tele o meaai ma soo se vaega e faafiafia tamaiti laiti. Taua e sui o le lanu moli na vaaia le sagisagi fiafia o nai fanau ina ua oo atu le latou fesoasoani.

O le Team 5 poo le lanu meamata na ave le latou faamamafa i le latou galuega fesoasoani i le faamama ma le tapenaina o le lotoā a le Kolisi i Vaimoso ma ua faatotogaina foi nisi o potu ma’i poo sick bay a le Kolisi e Ala i ni moega fou mo lea potu faapitoa. O le Team 4 poo le lanu siliva na auai e unai le toe totoina o laau o se atinae a le Mālō tauala atu i le Matagaluega o le Punaoa Faalenatura ma le Siosiomaga i le Puipuia lea o laufanua o Samoa. E oo atu i le 200 laau na totoina e lea vaega i le nofoaga faasa’o i Tuanaimato.

O le Team 6 poo le lanu mumu na o latou asia le nofoaga o loo fanofovaavaaia ai tamaitai poo le Correctional Facilities i Tuanaimato ma faimeaalofa iai latou o loo taofia ma tupu faasalaga i lea nofoaga. O le Team 8 poo le lanu samasama na asia le nofoaga o Tamaitai Sā i Vailoa le SMSM ma na fai meaalofa atu lea vaega e le gata o meaai ae ua o latou faatotogaina foi se potu malūlū mo Tamaitai Sā.

O le Team 9 poo le lanu mumu malosi le maroon ma fai le latou galuega fesoasoani i le nofoaga o fanua tanu i le Kolisi Faafaifeau i Moamoa , e le gata ma faamama lae nofoaga ae na toe vali le tele o fanua tanu. O lea nofoaga o loo kago mau ai le tele o misionare a le Ekalesia Katoliko.

O le Team 2 poo le lanu piniki ma le team 10 poo le lanu moana o vaega ia e lua o le a faatino i le vaiaso fou a latou galuega fesoasoani lea ua filifilia e le Vaega 2 le Falemai o Tamaiti Motootua e ave iai le latou fesoasoani ae o le vaega 10 ua o latou tusi lima uma i le aoga a le  Lotu Taumafai e tuu atu ai le latou tauau fesoasoani.

E pei ona silafia o le masina atoa lenei o Novema o loo faamanatu ai e teine tuai o le Kolisi le 65 tausaga talu ona faavae mai ma o le a faasolo pea a latou galuega fesoasoani i soo se faalapotopotoga latou te filifilia.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required