O le faamoemoe lenei mo le afioaga o Fogatuli i laufanua o loo apoina ai le suavai e pei ona iai faatalatalanoaga ma le Matagaluega o le Siosiomaga e tauala atu i le vaega o le suavai.
E mai faamatalaga a le Matagaluega o lenei aoaoga o loo patino lea i le faamalosia ai o le faigapaaga a le afioaga ma le Matagaluega ina ia maioio lelei auala e mata’itu ai nisi o laufanua o loo apoina ai le suavai.
Na molimauina e le Matagaluega le utagia e vaega eseese o itutino o le afioaga le tāua o lenei faamoemoe e pei ona faatautaia ai i le fale komiti a le afioaga.
O nisi o mataupu sa talanoaina e aofia ai aafiaga ma galuega fai faatasi a le afioaga ma le Matagaluega ina ia mautinoa ai le faatumauina pea o nei vaega o le suavai maua.
O loo mautu le lagolago a Alii ma Faipule o le afioga i le atinae ai o lenei fuafuaga faatasi ai ma nisi o tulafono e unaia ai le vaaia lelei o nei vaega.
