Ua tali mai le faamasinoga ma talia le talosaga a le matagaluega a le soifua maloloina e faataunuuina pea le taotoga o le pepe e faaaoga ai toto e foaia e tagata sa faia o latou tuipuipui o le Koviti.
O le mataupu lenei na sulu ai le soifua maloloina i le tulafono mo sana fesoasoani e malutia ai a o ia taialaina le faataunuuina o le taotoga o le pepe e fa masina lea o loo matuai leai mai matua o le pepe e faaaoga toto na foaia e tagata sa faia tui o le Koviti.
O le pepe na soifua mai lava ma aafiaga o lona fatu ma e moomia le taoto ina ia umi ai lona ola, ma na ta’ua e le faamasino, mo le manuia o le pepe ua moomia vave le faia o lona taotoga.
O le iuga foi ua tuuina mai ananafi na aloaia ai lava mai lea taimi seia oo lava ina manuia mai le taotoga.
Na faaleo foi e le faamasino lona malamalama e le faigofie lenei mataupu i matua, ma o fomai e toalua ua totofi e le faamasinoga e fai ma ona sui i lenei mataupu mai lava i le taotoga seia toe manuia le pepe, o lea ua faatonuina foi ia faia o laua tiute o le taulogologo ma faamalamalama i matua laasaga uma o togafitiga aemaise le pepe.
