E na o nai minute talu ona faatau e le Council a Timaru le fale sa faamautu atu iai faiga a kegi i Timaru, ae amata loa galuega a masini e tuu ai i lalo.
O lea ua faamaonia mai e le Council a Timaru ua ia faatauina le fale lenei sa fai ma nofoaga autu o le Rebels ma le Devils Henchmen, ma e le o mafai ona faalauaitele mai i tua le tau atoa na faatau ai.
O ananafi na faamautu uma ai pepa o le faatauina o le fale, ma e ‘afa ane le fā i le afiafi ua tele ina i lalo uma vaega o le fale ua mae’a talepe e masini.
Saunoa le pulenuu Nigel Bowen, ua toatele tagata o le komiuniti e faaseā ma faaalia lo latou popole i le faatupulaia o kegi i totonu o Timaru, ma o le faaiuga ma le galuega ananafi ua o se feau lea e lē talia e le itumalo kegi.
Ua faamaonia mai ai foi e le pulenuu o le a toe faatau ese le fanua ma faaaoga mo pisinisi.
