Ua faatu mai e le iuni a le Council of Trade Unions le manatu o le faia na o le 4 aso faigaluega faapea le iai o le matagaluega ua ta’ua o le Ministry of Green Works.

O se vaega lea o le fuafuaga a le iuni ua ta’ua o le Building a Better Future mo tagata faigaluega faapea pisinisi i Niu Sila.

O lea matagaluega o le a taulai lea i poloketi tau fale, suiga o le tau faapea ma galuega.

Ae i aso faigaluega, ua toe aumai i luga le manuia o lea suiga fou e pei ona faia ai i Peretania.

Mai pisinisi na suesueina ua iloa ai le tele o itu lelei ua aliae mai talu ona trial le suiga o le tuu mai i le na o le 4 aso faigaluega.