student with mask

Faatalosaga le faatumau o le faamalosia o ufifofoga i totonu o aoga 

A o toe agai mālie i luga cases o le Koviti ua lipotia i totonu o Niu Sila, ua iai le talosaga e faatumauina pea le faamalosia o le faia o ufifofoga i totonu o aoga. 

O lea ua agai mai i le tau mālūlū ma o loo faatumauina pea Niu Sila atoa i lalo o le molī lanu moli auā le taofiofia o le pipisi o le Omicron. 

Pei ona saunoa le minisita o le Koviti, Chris Hipkins e ui e lē o tele se me’i i luga o cases faamauina i totonu o le atunuu atoa, ae i le itu i Matu o lea ua amata toe agai i luga faapea ai ma le faaopoopo o tagata taofia i le falemai e tusa ma faamaumauga i totonu o le tasi masina ua alu. 

Ua valoia ai e le minisita o le Koviti le toe agai mai o le galu lona lua. 

I nei saunoaga ua viia ai e David Welch mai le Iunivesite i Aukilani le faatumau o le atunuu i le molī lanu moli, peitai e lē o faamalosia e lea molī le faatumau o le faia o ufifofoga ma ua faatalosagaina ai e le alii su’esu’e le toe faamalosia o le faia o le ufifofoga i totonu o aoga ona o lea ua agai mai foi isi ituaiga vairusi fou. 

Ese mai i ufifofoga, o loo iai le faamoemoe o le alii su’esu’e ia amata faasolo le tui lona fā i le amataga o Iuni poo le vaiaso fou lea, ae lē o le faaiuga o le masina. 

Scroll to Top

Keep uptodate with Radio Samoa activity & promotion

* indicates required