O loo faatalitalia nei se isi lipoti lata mai i le alaleo o le Today FM lea na lipotia mai i le taeao analeila le fesiligia ai e le aufaasalalau o le tulaga o iai le auaunaga atoa ai ma faamatalaga e faapea ua faatonuina i latou e ta ta na o musika.
I le lipoti a le RNZ ua ta’ua ai le faamatalaga a le tamaitai faasalalau o Tova Obrien i luga o le ea e faapea sa faailoa atu ia i latou le aufaigaluega o loo iai le lagolago a le Ofisa Sili, le fono faatonu i le mataupu lea peitai e foliga e ese le tulaga ua iai, fai mai le alii faasalalau o Duncan Garner mai lea lava lipoti, ua olegia i latou.
Ua faailoa i nisi faamatalaga i le lipoti lava lea o le producer o le polokalame lea, Tom Day ua ia faailoa ua mae’a ona faailoa atu se manatu o le Mediaworks lea e umia le Today FM ua ta’ua ai le tapunia o le Today FM ma e na o sina taimi puupuu seia oo i le aoauli o le asō, ua faailoa ane e mafai ona tuuina atu ai finagalo faaalia i le mataupu.
O le Today FM na faatuina i le tausaga talu ai e suitulaga i le Magic Talk.
O nisi auaunaga faasalalau e pulea e le Mediaworks e aofia ai le The Edge, The Breeze, MaiFM ma le Rock.
