O le aso ananafi na tulaueleele ai le Palemia o Fiti ma lona faletua i Niu Sila nei.
O le uluai malaga mai lea a Sitiveni Rabuka i Niu Sila talu ona tofia e avea ma Palemia o Fiti.
E le gata i le Palemia ma lona aiga ae o loo malaga faatasi ai ma nisi o le malo ma na taunuu i Aukilani i le aso ananafi ma feiloai ai ma le komiuniti o tagata Fiti i le aoauli.
O le mae’a ai o lea feiloaiga o le a faaauau atu ai i Ueligitone i le asō, ma e faapea o feiloaiga nei ma le komiuniti Fiti o loo aumau i Niu Sila o loo faatalitali iai le toatele o tagatanuu Fiti, ae o se fiafiaga foi i le faigamalaga o loo omai.
A o lei oo mai le Palemia i Niu Sila i le aso ananafi, o lea sa i Samoa i le vaiaso talu ai i sauniga o lo tatou tutoatasi.
O le Aso Tofi e toe taliu ai Rabuka ma lana aumalaga i Fiti.
