O loo iai se spray mo le isu e ono foliga o le tali lea i le puipuia mai o le fanauiti aemaise pepe faatoa fananau mai mai aafiaga o le tale vivini. 

O lea spray ua faamatalaina o le uluai taimi lea ua maua ai ma o le tuuina o le vaccine poo le vailaau mo togafitiga i le spray lea mo le isu o le a fesoasoani tele i le taofia o aafiaga mai le tale vivini. 

Ua faataitai lenei spray i Ausetalia ma e 600 tamaiti i le va o le 11 ma le 17 tausaga o le a auai ai i lenei faataitaiga, o se spray muamua foi lea i le lalolagi e agai sa’o i le foia o lea gasegase poo se faamai foi.

Fai mai e 12 masina e faia ai le suesuega lea i Sini, Adelaide, Perth ma Melepone.