A o paso ai pea nei kamupani vaalele i le leiloloa o ato a pasese, o lea ua iai le suiga faaopoopo.
E oo mai lava ananafi o loo faatali pea nisi o pasese e malaga mai fafo ia latou ato, ma e le o faigofie foi i le aufaigaluega ona o le tele o suiga i faigamalaga lē oo i atunuu i fafo atoa ai ma le toagaogao o le aufaigaluega.
Ua fai mai ai le Ea Niu Sila faapea nisi o kamupani vaalele o lea o le a faataga atopau e pipii ai GPS trackers e faigofie ona maua ai ato pe a leiloloa.
O se tasi lenei o tekonolosi e lei taliagofie e kamupani vaalele ona o le lamatia e ono oo iai e mafua mai i le maa o loo ola ai le GPS.
Ua ta’ua e kamupani vaalele o se suiga ua faia ina ia fesoasoani ai i le tau sailia o ato leiloloa a pasese.
