Na vaelupe e le afioga i le Fofoga Fetalai le lauga a le Sui Palemia, Afioga Tuala Iosefo Ponifasio, ma faamalulu iai ona o le a toe faataatia ese taualumaga o le fono a le Palemene, ina ua lipoti ane i le nofoa, e lē o ola le alaleo o le leitio a le Malo, le 2AP.
Saunoa le Fofoga Fetalai o le leitio a le 2AP o le alaleo autu lea i le atunuu e toatele i latou e faaaogaina e faalogologo ai i taualumaga o fonotaga a le Palemene o Samoa.
Ma na faia lenei faaiuga ina ia tuu le avanoa i le aufaigaluega e saili le faaletonu ma toe faaleleia ai fesootaiga a le 2AP, ae ua vave faia ai le malologa a le Palemene seia aulia le itula e 2 i le aoauli.
E pei ona siafia, o le Aso Lua, aso 7 Mati na toe usuia ai le fono aoao faitulafono a Samoa.
