O le tau o le eletise lea ua ogatotonu iai taumafaiga mo le palota a lē o loo avea ma premier o Vitoria o Daniel Andrews ma isi sui o vaega faaupufai a o tapena ai le faigapalota i lea setete o Ausetalia. 

Ua tau fai fai folafolaga a vaega faaupufai i fesoasoani o le a maua mo tau o le eletise pe afai ae tulai mai o latou sui i le palota.

O Andrews ua ia folafola o le a iai se isi peimeni e 250 tala Ausetalia o le ponesi o le a toe faatulaga mo Mati i le tausaga fou pe afai ae toe tulai mai lana itu i le tofi.

Sa ia folafola foi se isi paketi e 207 miliona e faaleleia ai itu tau aoaoga ma se folafolaga e faafaigaluega ai a itiiti mai, e 6 afe avanoa faigaluega mo le faaaperenitisi o se vaega o le faatuina e SEC ma vaega o malosiaga faafouina.

Fai mai Andrews e 13 aso lea o le a finauina ai le tulaga o loo tupu i le setete mo le isi fa tausaga. O le palota e faataunuu i le aso 26 o le masina lenei o Novema.