Ua faasee ese Ausetalia mai tauofoga mo le sailia o se atunuu e talimalo i le FIFA World Cup mo le 2034.
O loo ta’ua e ui i le tulaga maualuga o le taligamalo a Ausetalia sa galulue faatasi ai ma Niu Sila i le Ipu o le Lalolagi a tamaitai i le soka na se’i mavae atu nei peitai ua faasee atu le silasila a le Football Australia i isi taamilosaga.
O le latou faamatalaga tusitusia e pei ona ta’ua i ua faailoa ai ua o latou oo ma auai foi i le avanoa sa iai i le FIFA World Cup na se’i mavae atu ma ua faia foi le latou iloiloga ma silasila i vaega uma ma faia ai le latou faaiuga e uiga i le taamilosaga lea o le 2034.
E foliga o le faamoemoe o loo taulai iai le silasila a le Football Australia o le AFC Women’s Asian Cup o le 2026 atoa ai ma le FIFA World Cup o le 2029.
O le faamatuu ese la o Ausetalia e foliga mai ai o Saudi Arabia lea o le a ono talimalo i le taamilosaga lea i le 2034.
