O le pailate Niu Sila o Philip Mehrtens lea sa pu’eina ma taofia e se kulupu e faaigoa o le West Papua Liberation Army, ua faailoa i lipoti na faasa’oloto mai i le Aso Toonai na te’a nei ma o nisi o tusitusiga i le asō ua faatalanoa ai e le One News se tasi o malu o le malo sa avea ma negotiator poo le sui o leoleo e feutaga’i ma tagata i taimi o ni faalavelave, ma ia faasoa ai nisi o faai’uga faapolokiki e aofia ai i feutaga’iga mo le toe faasa’olotoina mai o Mehrtens.
Ua faailoa i le lipoti a le televise tasi se faamatalaga a Winston Peters, minisita o le va i fafo a Niu Sila e lē na o le tasi se ofisa o le malo sa galulue faatasi ma leoleo i Indonesia ma isi e faamautū le toe faasa’olotoina mai o le alii pailate i le 19 ma le ‘afa masina talu ai.
O lē sa avea ma negotiator a leoleo, Lance Burnett sa ia faailoa i le faatalanoaga i luga o le Breakfast e faigata tele feutana’iga i mataupu e aofia ai tagata e ave faapagota faavaomalo ma e aafia tele ai le polokiki.
Faailoa e Burdett o le tulaga o Niu Sila i mea faapea e manino, e faatino le mafai e gata ai ina ia mafai ona toe faafoi mai se tagata ae lē totogia ni bribes ma e lē suia foi faiga faavae faavaomalo.
Puna o Faamatalaga: https://www.1news.co.nz/2024/09/24/high-risk-in-complicated-hostage-release-negotiations-expert/
