Ua faasala e le faamasinoga le talavou e 18 tausaga o Nelson, Harrison Oliver lea na ia faaoolima i le 14 tausaga, mulimuli ai faalumaluma ma ia toe faasalalauina i luga o le TikTok.
O le alii 14 tausaga na aafia e faapea na ia togiina le fagu i le taavale a lē ua faamaonia e le faamasinoga lana soligatulafono, ma e lē gata ina faaoolima i lē ua aafia, faamalosi e fai faamalositino, ae toe pu’e ma tuu i luga o le TikTok.
O faasalalauga nei na faia e faalumaluma ai lē na aafia na toe lipotia e se tasi o tamaitai talavou e 14 tausaga i leoleo ina ua vaai iai i luga o le TikTok.
I le faai’uga a le faamasino, o lea ua faasala Oliver i le faia o galuega mo tagata lautele mo le selau itula, e 6 masina e nofo vaavaaia ai faapea le totogiina atu o le $500 tala o le faasalaga tupe i lē ua aafia ona o aafiaga o ona lagona i le mea na tupu.
Puna o Faamatalaga: Nelson teen sentenced after humiliation of 14-year-old live-streamed on TikTok – NZ Herald
