E $100,000 le faasalaga tupe lea ua faasala ai e le tulafono le fale kiwifruit i Bay of Plenty ona o le lē sa’o ona totogi o tagata faigaluega o loo omai mai atunuu i fafo.
O le faatonuga lea mai le Employment Relations Authority ua tuuina atu i le Asad Horticulture Limited, ma e lē gata o totogi ae o livi lea e le’i sa’o ona fai.
Ona o lea ua gau le pisinisi lenei, e pei ona iai i le masina o Aokuso o lea ua faatonuina ai e tatau ona togitogi ta’i $5,000 i le kuata.
I lipoti o loo toe ta’ua ai e lē faigofie i tagata faigaluega nei mai atunuu mamao le lē atoa o totogi ma le lē sa’o o le faiga o livi, ma o i latou foi e to’atolu ua aafia ai, e lē o umia ni visa nofomau.
E ui i le talosaga e aua ne’i faalauiloaina le igoa o le kamupani ua toe faasala, ae e le’i taliaina.
Puna o Faamatalaga: Kiwifruit labour company, director fined $100k for underpaid workers
