E leai se faaititia na o le atili faaopoopo ma ua fai fai tetele faiga a alii feoai i pasika poo dirt bikes faasolitulafono i Aukilani, ma o le toatele e leai ni pulou.
O lea ua amata suesuega a leoleo faasaga ia i latou nei ma mai le ofisa o le toatele e iai sootaga ma kegi ma a feoai foi i luga o le auala e tele lava ina faalavelave i feoaiga a tagata lautele.
O lea sa faia tuliga a leoleo ma nisi na mafai ona maua i Otara i Aukilani i Saute ananafi, ma e lē o mafai ona faamautinoa mai e leoleo pe toafia na saisai mai ae pe fia foi pasika na aveesea mai ai.
O le toatele o le autietie pasika faasolitulafono i luga o le auala sa laeiina toniga o loo lomia ai le igoa Killer Beez.
Mai le ofisa leoleo e lē uma ai ananafi suesuega faasaga ia i latou nei ma o tagata Aukilani foi ua fiu i faiga nei a le autietie pasika.
