O le Aso Toonai nei o le a amata aloaia ai le sā e le toe faatagaina ai ona pipii ni stickers e le mafai ona pala poo non-compostable i luga o fualaau aina ma fualaau faisua.
O se suiga e le o faigofie i le toatele o pisinisi e tusa ma ripoti a le Stuff, ona o lea lava foi e fiu nisi e tausaili poo ā la ituaiga stickers mo le faigofie ona silafia e tagata faatau o ituaiga oloa eseese.
Ae i pisinisi tetele e le o tele se afaina tele o le suiga ia i latou, ona o lea lava ua leva ona o latou faia i oloa nei o loo faatauina atu i atunuu i fafo.
A o fai mai ai e amata faasā mai le Aso Toonai, ua fai mai nisi o pisinisi o le a vaaia pea stickers nei mo sina taimi mai uta poo oka ua uma fai.
O le faasā o stickers, o le isi lea suiga faaopoopo i le sā a le malo lea ua le o toe faatagaina ai nei pepa iila, o straws faapea sipuni ma tui plastic.
