Dr Ayesha Verrall

Faasa mo le olaga atoa talavou ona tagofia le tapaa

O Niu Sila le uluai atunuu o le a ia faasaina tupulaga a sau ona toe tagofia le tapaa

E talitonu le malo o lea ua maua le fuafuaga e faamuta ai le ulaula tapaa, o le faasa o tupulaga 14 tausaga agai I lalo

I lalo o le tulafono fou na fofoga mai ananafi, o le a faaopoopo I tausaga taitasi le tausaga maualalo faatapulaa o tagata e mafai ona faatauina le tapaa

I le taimi nei e 18 tausaga le tausaga maualalo o loo faatagaina, peitai o talavou 14 tausaga sau I lalo le matutua o I latou nei a aloaia le tulafono ua faailoa mai o le a le mafai ona taumafa tapaa mo le olaga atoa

Saunoaga a Dr Ayesha Verrall o le minisita lagolago o le soifua maloloina, e le o aafia I lalo o lea tulafono le vaping, ma e talitonu le minisita o le vape o se aupega talafeagai lea e fesoasoani e tuu ai le ulaula

O loo tuli pea le sini ia uma ane le 2025 ua I lalo mai o le 5% tagata Kiwi taumafa tapaa

O le tausaga fou o loo fuafua e pasia ai lenei tulafono fou

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required