Ua faasā e Amerika ona toe talia i’a o loo faatau atu e kamupani e lua a Niu Sila.

O le poloaiga lea mai le faamasinoga ma ua aloaia ai lava i le taimi na fofoga mai ai ma o oloa nei o loo faatau atu e kamupani e lua o loo i le North Island.

E iva ituaiga i’a eseese ua faasā mai e le faamasinoga ma o se faaiuga ua ta’u mai ai ia Niu Sila faapea isi atunuu, sei vagana e mafai ona faamaonia e tutusa fisheries regulatory program ma Amerika faatoa talia.

O i’a ua faasā e aofia ai le snapper, trevally, hoki ma isi i’a ma o lea sa ua faia nei e Amerika e faatumau seiloga e faamalieina aiaiga o loo faatulafono ai le polokalame faigafaiva a Niu Sila.

O le finau a Amerika ua faia mo le puipuia o Maui dolphins.