Ua faasā e le Waka Kotahi le train a le Te Huia ona malaga mai i Aukilani ona o le popolega i le itu tau saogalemu.
O le train lenei o loo fealuai i le va o Aukilani mai le Strand i Parnell agai atu i Hamilton, peitai o le suiga ua faia nei mo aso o totoe o le vaiaso atoa lenei o le a sau gata i Papakura ae faaauau mai ai e pasi.
I se faamatalaga mai le Waka Kotahi ua faalua ona lipotia mai e le KiwiRail e lei tu le Te Huia i moli lanu mūmū e pei ona iai le tolu vaiaso talu ai ma le isi i le taeao o le Aso Gafua o le vaiaso nei.
O le tolu vaiaso talu ai e lei tu i le faailoilo sa tatau ona tu ai i taofi i Penrose, ae o le amataga o le vaiaso nei o Hamilton, ma e faapea o Hamilton na tupu i le taimi e lei iai se pasese a le train.
E ui e le faigofie i tagata feoai le faiga ua sui ai nei ma faasā e le Waka Kotahi, peitai ona o le tulaga lamatia o tagata uma pe a tulai mai se faalavelave, o le itu lea o loo mamafa i le pulega.
O pasi lea ua faauauina auaunaga a le Te Huia i le va o Papakura, Puhinui ma le The Strand, ma ua faamautinoa mai ai foi e lē o totogia feoaiga nei e faaauau e pasi.
