I le toe foi ai i tulaga masani o le auaunaga a le malosi tau eletise i Upolu, o lea ua taunuu ma ua faapipii nisi o afi faaleoleo mo le maua o le eletise i le maota gasegase i Motootua.
O le faai’uga o le vaiaso ua mavae na faatino ai galuega i le faapipiiina o se afi eletise faaleoleo e maua ai lea auaunaga i le vaega e taunuu iai gasegase le outpatient faapea le vaega o le tumamā lautele le public health.
Ua faailoa e le matāgaluega a le soifua mālōlōina i lana upega tafa’ilagi e iai isi afi eletise faaleoleo o le a faapipii mo le maota gasegase autū e maua ai ma le eletise i potu o loo taofia ai gasegase.
Ua fuafua foi le faapipii o afi faaleoleo o lo latou malolosi e 650KVA mo Vaiaata i Savaii ma falemai faaitumalo e fā.
