Ua uma le faitauga aloaia o le palota tele a Niu Sila, ma ua mautinoa le moomia e le National ma ACT o Winston Peters ma lana NZ First.
E oo mai i le taeao nei e lei manino se tala mai pati nei e tolu, pau le tala mautinoa e feiloai faafesagai i le asō Winston Peters ma David Seymour o le ACT.
Ua lipotia e le Stuff e lē faatasi ona faafesootai e David Seymour ia Winston Peters i le telefoni, peitai e leai se tali mai.
Ae mai ia Peters, sa ia faapea o ni telefoni poo ni text a le au taufaasese ona e leai se isi o saini mai ai i feau tusitusia.
Peitai, e iai lipoti o loo faamaonia ai o lea sa sainia lava feau tusitusia a le taitai o le ACT.
O loo tatali pea se tala mai i le osiga o le isi faigamalo fou a le atunuu, ma e ui e lei faapea sa’o mai Christopher Luxon e le fia galue ma Winston Peters, o lea lava na sasao faamatalaga a Seymour, e lē manao ia Winston Peters.
O loo tālia poo le ā se tala mai i le feiloaiga faafesagai i le asō.
