E faaopoopo tagata maliliu ona o le Afā o Gabrielle, ma e ono le gata ai i le fuainumera ua iai nei.
O le taeao nei ua faamaonia mai ai e leoleo a o maui mālie atu ai le vai i Gisborne, e toatasi le isi tagata maliu ua faaopoopo.
O loo masalomia na maliu ina ua maua i lologa sa iai, ma o loo faaauau suesuega.
Ua toalima iai tagata maliliu e oo mai i le taeao nei, ma o lea fuainumera o loo aofia ai ma le tamaitiiti na maua i Eskdale i Hawkes Bay i le aoauli ananafi.
Ae i molimau a nisi sa feoai i helikopa e laveai mai tagata sa i luga o fale, e le na o le pau ia o tagata maliliu pe a fua i le vaaiga sa o latou iloa mai i luga o le vanimonimo, e iai nisi o tagata e lei mafai ona laveaiina ona na tuai ane iai ma na vaaia ua opeopea i luga o le vai.
O le tala foi lea e tasi mai leoleo.
