O loo faaopoopo pea avetaavale e maua e meapueata o loo faaaoga telefoni ma aveave.
O lea ua mae’a le trial na faataitai ai meapueata fou i nofoaga e tolu o Aukilani, ma o meapueata nei e mafai ona iloa ai totonu o taavale.
I totonu o le tolu masina o le trial na maua ai le 103,000 o avetaavale e faaaoga le telefoni ma aveave, e tusa lea ma le 7,000 faaopoopo faatusa i le tolu masina muamua.
E fa masina na taulai ai meapueata i le lē faia o fusipau, ma e 42,500 i latou na maua ai – o le 8,600 na maua i totonu o le masina o Iulai ma le 15,000 i le masina faatoa uma atu.
Leai se isi o faasala e ui o lea na maua e meapueata, ma o le tausaga fou e ono suia ai le tulafono ma amata faasala ai loa.
E 12 miliona taavale uma na maua e meapueata.
