O le a faaopopo le aofai o speed cameras i totonu o Niu Sa Uelese ma ua faailoa o taavale o le a faaaogaina i lea foi auaunaga e tatau ona ogatasi ma tulafono fou lea e manaomia ai ona tuuina se faailo i luma ane ma tua atu foi o le vaega o le a iai se speed camera.
Na amata mai i le aso muamua o Ianuari le masina na tea nei sa amata faamamalu mai ai le faiga lea e ao ona tuuina ai faailo mo meapueata ia.
Ua ta’ua e faapea e na o le 38 o speed cameras i tua o taavale e 143 sa ola ma o le masina la lenei e faaopoopo ai le isi 60.
O faamatalaga mai le ofisa o tupe maua le Revenue NSW ua iloa ai e 8 afe avetaavale na maua e speed cameras le saoasaoa pe a faatusa i le 66 afe na maua ia Tesema 2021.
