O le asō e faia ai sauniga o le maliu poo le tangi i Sasae o Bay of Plenty, ma a o gasolo atu ai le faitau selau o sui o le kegi a le Mongrel Mob o lea foi ua nofo sauni leoleo.
E silia ma le tasi selau sui o le ofisa o leoleo o loo galulue e leo Ōpōtiki a o faia ai le tangi o le maliu o Steven Taiatini, 45 tausaga o Ōpōtiki lea o loo suesueina pea na fasiotia e se isi i le po o le Aso Faraile.
Talu mai lava le faaiuga o le vaiaso talu ai e lei iloga ona iai se filemu i Ōpōtiki ma e le gata e iai fale ua susunu ma o loo suesueina pea, ae faapea foi aoga o lea ua tapunia lē tumau.
A o lei oo mai i le taeao nei, o lea lava sa leoina e leoleo le komiuniti ma e tusa ma le 50 leoleo sa galulue auauai ai mo le 24 itula, ma o le asō ua faaopoopo ai le isi 50.
E ese mai i le sao o leoleo, o lea foi o loo galulue faatasi ma taitai o Iwi faapea le District Council a Ōpōtiki e faanofo filemu.
