sydney-streets-empty-lockdown-anne-gibson

Faaopoopo le umi o le tapu, 97 cases fou i Niu Sau Uelese

E 97 cases fou ua faamaonia mai ile aso mai Niu Sau Uelese i Ausetalia atoa ai ma le faasilasilaga o le a toe faaopoopo le umi o le tapu mo leisi lua vaiaso o lona uiga ua fuafua faatoa maea I le aso 30 o le masina nei. 

Faamaonia mai e le matagaluega o le Soifua Maloloina a le Setete mai le 97 lea e toa 24 sa faamauina mai ile komiuniti. E 71 o loo ile falemai I le taimi nei ona o le koviti 19, 20 o loo ile vaega tigaina ma le toafa o loo faaaoga masini faamanava.

O le feiloaiga ma tusitala I le aso na faamaonia ane ai e le premier Gladys Berejiklian faamatalaga ia ma taua ai o le a faaauau I luga o upega tafailagi aoaoga a le fanau mai Greater Sydney ma ona talaane ile taimi atoa o le tapu.

E oo ile vaeluaga o le po anapo o vaaia pea le laina umi o taavale o loo faasolo I se tasi o nofoaga sa faatulaga I Fairfield mo le faia o siaki o le faamai ona ua amata faamamalu foi ma nisi o tuutuuga mo I latou o loo aumau I lea faaitu ile feaafifioai ai I galuega ma le toe foi atu i aiga lea ua lipotia o le a faatino ai pea siaki ma mataitu ai le pepesi o le faamai I ia pito o Sini. 

I Niu Sila nei ua faamauina I le aso e fa cases fou ua faamauina mai tuaoi ae le o iai se case fou mai le komiuniti.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required