O loo su’e e leoleo le alii o loo tuua’ia na ia faaoolima matagā i le teineititi i Hamilton.
O le auala i Silverdale Rd i le ta o le 8 i le taeao o le Aso Faraile lea e faapea na tupu ai, ma o lea na toso e lea alii le lima o le teineititi i totonu o le van.
O se faamaoniga mai leoleo le gatete o lē ua aafia peitai e le’i iai se mea o lona tino na afaina ai.
Na lipoti a le Stuff o le van lanu siliva lea na aveina e lea alii, ma na paka sese i tafāala faasaga aga’i i Morrinsville Road.
O le taavale a se tasi o tagata ese lea na faae’e le pu aga’i i le taavale a le alii o loo sa’ilia nei.
Ua talosaga mai ai ma leoleo i soo se tasi e silafia nisi molimau poo meapueata fou, e vave fesoota’i atu.
Puna o Faamatalaga: Young Hamilton girl allegedly assaulted by man in silver van | Stuff
