E 14 tausaga le matua o le talavou na saisai mai e leoleo i Dunedin ona o loo tuua’ia na ia faaoolima i le leoleo o loo faia ona tiute.
O le po o le Aso Sa lea na tali atu ai leoleo i lipoti o loo iai ni talavou o loo taumafai e osofa’i se tasi o taavale, ma e faapea e taunuu atu leoleo e le’i matala le taavale.
A o faia ai galuega a leoleo o le 14 tausaga o lea na ia teenaina le saisai mai o ia ma faaoolima ai loa I le leoleo.
Na lipotia e le’i faamanu’alia le leoleo ma o le aso ananafi na tula’i ai le 14 tausaga i luma o le faamasinoga o tupulaga talavou I Dunedin.
O isi talavou na aumai faatasi ma le 14 tausaga o lea foi ua tuuina atu i le youth services.
Puna o Faamatalaga: https://www.1news.co.nz/2024/10/08/14yo-arrested-after-allegedly-assaulting-officer-during-dunedin-arrest/
