O le mae’a o se feiloa’iga a faifeau o ekalesia o loo avea ma sui o le fono a Ekalesia Soofaatasi i Samoa ma le Palemia o le atunuu, ua faailoa ai e le ta’ita’i o le malo ua taatia atu i le soofaatasi a ekalesia e silasila i le tulaga o iai tapua’iga ma lotu i le atunuu poo ogatasi ma a’oa’oga a le lotu Kerisiano o loo faavae ai Samoa.
Ua faailoa e le Palemia susuga Laaulialemalietoa Leuatea Polataivao Fosi i lana fono ma tusitala i le Aso Lulu ua mavae, o se finagalo o le fono a ekalesia e fautuaina ai le malo o le tulaga lea o le a aga’i iai se fuafuaga i le faaono iloilo o le faavae lea e pei ona silafia o loo mauaa ai le Vaega 11 o loo faasino i le sa’olotoga o lotu ma le sa’olotoga o tagata e tapua’i ai.
Ua taoto nei se tasi o fuafuaga a le malo e fesoota’i i le una’ia o le ola talitonu ma le ola tapua’i o o tatou tagata i a’oa’oga faakerisiano, o le faamamalu o le Aso Sa ma le sapati se’ia vaganā galuega o loo faatino ai auaunaga masani e mana’omia e le atunuu lautele.
Le afioga i le Palemia susuga Laaulialemalietoa Leuatea Polataivao Fosi i le fono masani ma tusitala.
