Ua faailoa e le Palemia i le fono ma tusitala i le Aso Tofi le faamuamua o aiga na faaleagaina meatotino aogā i le pē faafuase’i o le eletise i le tausaga ua mavae, mai le vaegatupe e tasi le miliona iva selau afe tālā ua faamaonia e le Kapeneta.
Peita’i e valu miliona le tau o mea na faaleagaina e aofia ai ma aseta ma meatotino a nisi o pisinisi ma kamupani na aafia.
O le tau aofa’i lea i le taimi sa tauaaoina ai pepa faatumu sa faailoa atu ai e aiga ma pisinisi meatotino na faaleagaina ma o latou tau.
O loo galulue le komiti a le malo o loo gafa ma le faavasegaina o lea tulaga ma le toe siakiina pe moni ia tau, ae o lea ua faamuamua taui o meatotino a aiga.
