O loo iai le naunauta’iga o le Palemia o Niu Sila, Christopher Luxon ia faaauau pea ona faaleleia le sootaga a Niu Sila ma Initia e aofia ai ma le tulituliloa o se maliega tau fefaataua’iga sa’oloto, Free trade agreemene ma le faalauteleina o sootaga faaletagata.
O faamaumauga na faalauiloa mai le tusigaigoa mulimuli nei a Niu Sila ua iloa ai o tagata Initia lea ua lona tolu i le faasologa o tagata mai isi atunuu o loo aumau i Niu SIla.
Ua taunuu Luxon i le itu i Saute i Sasae o Asia mo fonotaga o le a faia i Laos ma ua iai le fuafuaga e maua ai foi se avanoa e feiloa’i ai ma le Palemia o Initia, Narrendra Modi.
Fai mai le Herald o loo iai le fuafuaga a le malo e siitia fesoota’iga ma le itulagi lea a o lumana’i ai le faamanatuina o le 50 tausaga o le sootaga a Niu Sila ma atunuu o le atu Asia, le Association of Southeast Asian Nations poo le ASEAN i le tausaga fou.
Puna o Faamatalaga: https://www.nzherald.co.nz/nz/politics/pm-christopher-luxon-locks-in-first-meeting-with-india-pm-narendra-modi-as-diplomatic-speed-dating-begins-in-laos/4L4HTBHJDRBGBB4HQNH7EBV22Q/
