Na lipotia i le asō o le pilionea Ausetalia, o Gina Rinehart ua ia faamatuu le tusa ma le 7 miliona o faailoga tupe mo lana aufaiglauega.

O ia faailoga tupe na tuuina o se vaega o le faamanatuina o lona 70 tausaga e pei ona faamaonia e se sooupu i le 7News.

Fai mai e toa 70 tagata faigaluega mai le silia ma le 4 afe o ana tagata faigaluega sa mauaina ia faailoga, e tai 100 afe a le tagata.

E lē o le taimi muamua lea ua faia ai e lea tamaitai pilionea ni foai mo lana aufaigaluega, sa faatino foi i le Kirisimasi talu ai.

O Rinehart na soifua ane i Perth, o ia le tagata aupito mauoloa o iai nei a Ausetalia e oo atu lana ‘oa i le $30.2 piliona.