Ua faamaonia ua faamavae se tasi o faia’oga mai le Kings College i le vaiaso nei ina ua ta’utino i lona aofia i ni gaioiga lē talafeagai i luga o upega tafa’ilagi.

Ua lipotia i le One News se pepa o faamatalaga mai le a’oga lea ua ta’ua ai ua aga’i ese le faia’oga lea ina ua mae’a ona ta’utino i lea gaioiga ma ua talosaga ai le a’oga i mātua o tamaiti a’oga ia faatalanoa fanau pe iai nisi na aafia i le mataupu lea.

Ua mae’a ona logo leoleo aemaise tamaiti a’oga e nofotumau i le a’oga ma ua ofoina foi le fesoasoani tau faufautua mo tamaiti a’oga.

E lē o manino mai se auiliiliga o le mataupu ae o loo ta’ua e foliga o le gaioiga pei ona lipotia e faatatau i se mafutaga a le faia’oga lea ma se tagata e itiiti mamao nai lo ia, poo se minor i le faaperetania.

O loo faatalia se lipoti mai leoleo pe a mae’a su’esu’ega.

Puna o Faamatalaga: https://www.1news.co.nz/2024/10/21/kings-college-staff-member-resigns-after-online-activity/