Ua faamavae le afioga Luamanuvao Katalaina Sapolu, o se loia mai le tauaveina o le tofiga o le Komesina o Sulufaiga i le tuanai o le 2 tausaga ma ni masina o seei i le tofiga na faatauto ai i le masina o Aperila o le tausaga e 2021.
O le umi o le taimi galue i lea tofiga faalefaavae e 6 tausaga.
Ua faailoa mai e le Sui Komesina o Sulufaiga le afioga Maualaivao Pepe Seiuli o le faaiuga o le masina na tea nei o Me na tuua aloaia ai e le afioga Luamanuvao le tofiga, ma ua toe taliu atu i Peretania o loo faamautu ai ma lona aiga.
Na avea Luamanauvao Katalaina Sapolu ma faauluuluga o lea ofisa o le Malo i le tuanai o tausaga e 18 o galue o le faatonu i le vaega e gafa ma mataupu tau tulafono i le ofisa tutotonu o Malo o le Taupulega i Lonetona.
O mafuaaga tau i lona aiga ua ia tuua ai le tofiga ma o ia le uluai tamaitai o le atunuu ua avea ma Komesina o Sulufaiga, o se auaunaga o loo iai ma le vaaia o mataupu tau aiātatau o tagata soifua.
