Ua amata le fonotaga a le Pacific Islands Forum peitai e lē o atunuu uma o le a auai ona o mafuaaga eseese.
O Nauru ua faamaonia e lē mafai ona auai ona o le pepesi o le Koviti o loo iai. O Marshall Islands o le a lē auai ona o mafuaaga faaletulafono ma Kilipati ona o nisi o talosaga ma maliega e talitonu le malo e le’i talia ma amanaia.
O se tasi o talosaga a Kilipati na faatalosagaina ai le tolopo o le Pacific Islands Forum o loo faia i le vaiaso nei seia uma le Kilipati National Day peitai e le’i maua atu se tali.
Ese mai i lea e iai maliega toe fausia a le atu Maikolenisia (Micronesia) e le’i sainia e Kilipati.
O le sau o le tala o le alu ese o Kilipati ma le fonotaga e ui i le taumafai atu o isi ta’ita’i Pasefika o se faai’uga na faate’ia ai ta’ita’i o le atu Pasefika i le faai’uga o le vaiaso.
O loo iai masalosaloga o se faai’uga o loo tu mai ai i tua Saina.
O le asō o loo amata ai le fonotaga lona 51 a le Pacific Islands Forum i Suva i Fiti, ma e tasi le vaiaso o loo faia ai.
