O le mae’a ai o le fonotaga le COP27 i Aikupito ua lagona ai le viia o le fonotaga i se faaiuga ua faia e faatatau i le faaputugatupe le fund sa talanoaina mo atunuu e vaivai tamaoaiga ae o loo iai pea ma le faanoanoaga ona o le lē mafai ona iai se maliega i le tulaga i fossil fuels.
O le faauluuluga o le fonotaga lea ua ia faafetaia le faaiuga ua faia i le faaputugatupe e fesoasoani ai i atunuu matitiva i tulaga o mea e faaleagaina ma ua ma’umau ona o suiga o le tau.
Fai mai a ia o se mataupu e lagona ai le lotovaivai o le tele o tagata pe a toe manatu i le finauga ma aafiaga o suiga o le tau ma mafatiaga sa feagai e le faigofie.
Fai mai le minisita o le siosiomaga a Pakistan o Sherry Rehman o le faaputugatupe lea o se tali atu i leo o tagata i aga ma’ale’ale a le tau ma ua silia ma le 30 tausaga o feagai pea ma luitau i lea savaliga.
Ua ta’ua i le lipoti ua malilie atunuu maumea e faatuina sea faaputugatupe e fesoasoani ai i atunuu ma’ale’ale o latou tulaga i uiga ma suiga o le tau.
