Covid 19 positive

Faamaonia tagata toalua mai Aukilani na taunuu I Fiti I le Koviti

E toalua I laua na faimalaga atu mai Niu Sila I Nadi, Fiti ua faamaonia ua maua I le Koviti

O le aoauli ananafi na faailoa mai ai e le vaega o le soifua maloloina I Fiti ua faamaonia le tina 49 tausaga ma le tina 58 tausaga na taunuu atu I Fiti I le aso 24 o le masina talu ai

O le numera o le faigamalaga o le NZ952, ma e faapea o siaki mulimuli I le aso e tuua ai le nofoaga sa faanofoesea ai I laua nei I Nadi lea na faatoa maua ai e positive uma

Ua auina atu I laua nei I le maota gasegaes I Lautoka I le isi nofoaga e toe faanofoesea ai, ma I ripoti na manuia I laua nei, leai ni foliga vaaia o le maua I auga o le Koviti I le aso na tulauelele ai I Fiti

Peitai, o le fesili ua tulai mai, pe faafefea na maua e I laua nei le vairusi ae o fea foi

I tala a le newshub, o loo masalomia e ono maua e nei tina le vairusi mai le tama 35 tausaga na faimalaga mai le United Kingdom I Aukilani, ma o faatasi ai I Fiti, ma o ia lea na muai faamaonia ua maua I le Koviti I le latalata I le lua vaiaso talu ai

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required